Meine persönliche Auseinandersetzung mit DER Frage an Karfreitag endete in einem Song.
Liedtext:
Was isch Wohret? frogt dr Pilatus
dä Schryner, wo glych alt isch wie-n-ich
Und dä wäiss gnau wie-n-ich nit rächt was sage
Dass me könnt mäine, es wär em glych
Und wie’s wytter goht, die Gschicht isch bekannt
Sag, stand au ich i mym Läbe knapp am Rand?
Materiells isch mir nit wichtig, säit die Frau im Armani-Kläid
Ehrligkäit isch zentral, säit dä wo bim BLICK dr Lohn häiträit
Früener het me no zämmeghebt, säit dä wo mit achtzäh Joor
us sym Bärgdorf gflüchtet isch
Und i glaub i muess go chotze…
Künschtlig züge isch drnäbe, säit d Schweschter, wo grad schwanger worde-n-isch
Und si in ihrer Verzwyflig, säit ihres Ghäimnis jetzt halt nur no ihrem Fisch.
Und fluecht über ihre ältere Brueder will dä grad e-n-Affäre gha het, Und ich bruch schnäll e Pause, will mir wird scho wider schlächt und i dängg „Fick di ins Knöi“
„Myni Wohret isch nit wie in dere Wält“
Säit dr Schryner, „und au nit mys Rych“,
Es git nume äi Wohret, alles Andere isch Vergäh
Lieb di sälber wie dr Ander gnau glych.
Und numme die Dumme mäine, das syg jo bekannt
Aber mit Dir schaff i’s villicht durch die meterdicki Wand.
Aber mit Dir schaff i’s villicht durch die meterdicki Wand.
